系２００８年咁有意义噶日子里．奥运火炬系５.７号传到来广州．咁岩，呢日又系我生日．．．极之有意义．．．成世都会记得呢一日．．．呢个生日真系非常开心啊．
系２００８.５.７凌晨００：００.我收到好多条祝福噶短信．开心到我啊．幸福噶眼泪都流咗出来．呵呵．一边收信息，一边傻笑．成晚个嘴都未合埋过．哈哈．多谢你哋啊．你哋真系超有心的．爱死你哋．
第二朝，６点几，同学叫醒我．一齐去迎接最神圣，最光荣噶一刻．去睇火炬啊！超多人的．咁早都咁多人喔．证明Ｄ人真系好爱国．非常爱国．系高处望落去，超壮观．火炬都未开始传，围观Ｄ人就超大声咁哎＂中国加油＂了．好兴奋．
８点１８，火炬传递开始啦．我哋睇到噶系第一棒．出来啦！每个人都处于高潮状态．兴奋到，简直就到忘我境界啊！有５架直升飞机跟住火炬手．好谨慎啊．好隆重啊．咁重要噶日子，系中国人都会兴奋，会开心，会感到骄傲．
睇完火炬了，系时候翻去了．但系，心中个团火都尚未可以静下来．仲处于兴奋状态．系翻去噶途中，Ｄ人狂挤．睇到Ｄ植物俾去睇火炬噶人踩到死晒，真系好心痛．见到Ｄ咁噶惨状．希望环卫快Ｄ救翻距哋啦．！
下昼真系激动囖．去睇球赛．超激啊．！边睇边紧张．开头睇个时，公开输落后紧的．后来，有我哋呢班忠实Ｆａｎｓ系旁边呐喊助威．最后一节将比分拉近．最后相差一分啊！非常之紧张啊．吹鸡啦！球赛结束．公开学院以一分只差获胜．！好激动人心噶时刻啊．睇完球赛之后，捻住走．点知，有球打喔．我就留低打球了．！好开心啊．因为好耐都无打过球了．虽然打极都无进步．呵呵．多谢你哋啊，我亲爱的球友．
翻到宿舍，就见到＂神秘高人＂送我噶蛋糕．多谢晒你啊！＂高人＂．呵呵．呢个人噶名呢，唔方便透漏．．我知道就得啦．哈哈．
冲完凉之后，食完神秘人送俾我噶蛋糕．
就上Ｑ倾计啦．同细饼倾计．以为距系从化啦．！点知搵欣仪食宵夜个阵．见到细饼系距间宿舍喔．吓亲我．超开心啊．！真够朋友．好讲义气．．
去食宵夜囖．．．．．因为着得非常女人，搞到我超级怕丑．唔好意思行来行去．边食边聊．倾咗好多好好笑噶嘢！譬如＂阿嫂＂啦．．＝＝呵呵．食完都差唔多１１点半了．翻宿舍啱啱换咗套睡衣．就听到欣仪无拉拉叫我过去睇视频．一入到门口，就见到点着咗蜡烛噶蛋糕．好意外．真系好意外．非常感动啊．！估唔到距哋成帮人俾Ｄ咁噶惊喜我．呵呵．你哋真系好啊．！唱咗３首生日歌之后，许愿．切蛋糕．分蛋糕．做完一堆生日循例要做噶动作之后，我哋开始疯狂影相．影咗好多好ＳＢ噶相．好彩系相机无电之前影咗两张大合照．不过，我着睡衣，有Ｄ猥琐．哈哈．开心就得啦．理咩啊．
系欣仪宿舍疯狂玩，疯狂影相，狂咁傻笑．仲整到＂雪贝尔＂成面都系忌廉添．之后，唔洗讲都知我噶后果啦．哈哈．整到我，我噶第一感觉系，真系好＂忌廉＂啊．！
个晚，我食咗超多嘢．一直到凌晨３．４点先训得着．第二日早上７点几起身去上课．虽然好攰．不过，捻起琴晚发生噶所有嘢．即刻醒神晒．
话我客气都要讲伽啦．
多谢晒你哋啊．俾咗个咁难忘噶生日我．
多谢中国，多谢奥运，多谢火炬，多谢２００８.５.７.多谢爸爸妈妈弟弟，多谢祝福我噶＂家人＂，多谢同我庆祝生日噶人，多谢我从细到大噶同学，多谢我从细到大噶朋友，多谢路人，多谢唔中意我噶人，多谢所有所有．
好开心啊．好激动啊．好兴奋啊．记住，你哋每个人噶生日，我都要知道，我都会记住．因为，我爱你哋．已经超过爱噶极限啦．
最后，都系要讲句－－万分感谢，我真系好开心．
